UGLE: LANGABETU ETA LANGILEEI ZUZENDURIKO ETENGABEKO PRESTAKUNTZAKO IKASTAROAK

UGLEn eskaintzen diren etengabeko ikastaroen programaren barruan, honako hau da 2010eko lehen hiruhilabeterako programazioa.
Mekanizatuan, FAGOR edo Heindenhain Zenbaki Kontroldun Fresatzeko makinaren Programazioa, FAGOR Zenbaki Kontroldun Tornu bidezko Programazioa, FAGOR Zenbaki Kontroldun tornu bidezko mekanizatua, Tornu eta Fresatzeko makinarako CAD/CAM GIBBS eta materialen entsegua eskaintzen ditugu.
Automatikan, Automatismo elektrikoak, pneumatikoak, hidraulikoak eta SIEMENS eta OMRON Automata programagarriak eskaintzen ditugu. 
Materia oso konkretua duten ikastaroak dira eta iraupena, 20 eta 46 ordu artekoa izango da. Astelehenetik ostiralera izango dira, 18:00tatik 20:30tara. Otsailaren 1ean hasiko dira ikastaro hauek.
Besteen kontura lanean dauden langile edota autonomoei zuzendutako ikastaroak doan dira. Eusko Jaurlaritzak eta Europako Gizarte Funtsak diruz lagundutakoak dira.
Ikastaro hauetan langabetuak onartzen dira, baina plaza kopurua mugatua da.
Ikastaro bakoitzeko plaza kopurua 10 pertsonetakoa denez, interesa duzuenok jar zaitezte, mesedez, ahalik eta azkarren, Urola Garaiko Lanbide Eskolarekin harremanetan. E-mail bidez egin dezakezue: resp.fc@ugleskola.org edota 943 725477 (103 Luzapena) – 943 725670 telefonoen bidez.